Vaksina anti-Covid, Kosova kërkon ndihmë nga BE-ja në sigurimin e saj

Lajme
19:32 | 18 Dhjetor 2020

Kosova po koordinohet me Bashkimin Evropian për të siguruar sa më shpejtë vaksinën anti-Covid.

Sot, zv.ministri i Punëve të Jashtme Muhamet Brajshori e ka njoftuar Komisionerin për Zgjerim dhe Fqinjësi të BE, Oliver Varhelyi për përgatitjen e infrastrukturës për mirëmbajtjen dhe procesin e imunizimit ndaj Covid-19.

“Komisioneri Varhelyi e ka cilësuar si frytshëm takimin koordinues me ministrat e jashtëm dhe çështjeve evropiane dhe ka premtuar se do të angazhohet që edhe vendet e Ballkanit Perëndimor të mund të sigurojnë vaksinat në një të ardhme të afërt. Takim virtual është mbajtur me Komisionerit për Zgjerim të BE-së, z. Oliver Varhelyi dhe përfaqësuesve të shteteve të Ballkanit Perëndimorë mbi situatën me COVID-19 dhe pranimin e vaksinës në Ballkanin Perëndimorë.”, thuhet në komunikatën e MPJD-së.

Ky është njoftimi i plotë:

Kosova dhe BE koordinohen për sigurimin sa më parë të vaksinës kundër Covid-19. Republika e Kosovës në bashkëpunim të ngushtë me Komisionin Evropian po angazhohet intensivisht që të sigurojë sa më parë vaksinën kundër Covid-19.

Sot, gjatë një video-konference me Komisionerin për Zgjerim dhe Fqinjësi të BE, Oliver Varhelyi, Zv/Ministri i Punëve të Jashtme dhe Diasporës, z. Muhamet Brajshori e ka njoftuar Komisionin Evropian me përgatitjet e Kosovës për të siguruar vaksinën dhe me përgatitjen e infrastrukturës për mirëmbajtjen dhe procesin e imunizimit ndaj Covid-19.

Ministria e Shëndetësisë e Republikës së Kosovës dhe Instituti Kombëtar i Shëndetësisë Publike të Kosovës, kanë një plan veprimi. Komisioni i BE-së po punon me Kosovën dhe vendet tjera në rajon për t’i vënë vaksinat në dispozicion në Ballkanin Perëndimor në një kohë të duhur, pasi ato këtë muaj fillojnë të shpërndahen në BE.

Komisioni Evropian po lë mënjanë fondet në mbështetje të kësaj përpjekjeje dhe aranzhimet koordinuese. Në ditët e ardhshme MPJD do të jetë në komunikim të afërt me Komisionerin Varhelyi, për të definuar deri në detaje planet dhe veprimet e përbashkëta që mundësojnë sigurimin dhe shpërndarjen adekuate të vaksinës anti-Covid-19 dhe imunizimin e popullsisë.

Komisioneri Varhelyi e ka cilësuar si frytshëm takimin koordinues me ministrat e jashtëm dhe çështjeve evropiane dhe ka premtuar se do të angazhohet që edhe vendet e Ballkanit Perëndimor të mund të sigurojnë vaksinat në një të ardhme të afërt. Takim virtual është mbajtur me Komisionerit për Zgjerim të BE-së, z. Oliver Varhelyi dhe përfaqësuesve të shteteve të Ballkanit Perëndimorë mbi situatën me COVID-19 dhe pranimin e vaksinës në Ballkanin Perëndimorë.

Materialet dhe informacionet në "MUZIKTURKE" nuk mund të kopjohen ose të përdoren pa iu referuar burimit të portalit apo miratimin nga redaksia.

MUZIKTURKE, © 2020 Të gjitha të drejtat e rezervuara.