Sonte zhvillohet ndeshja Slloveni – Kosovë

Lajme
08:58 | 15 Nëntor 2020

Sonte (e diele) do zhvillohet ndeshja mes Sllovenisë dhe Kosovës, e vlefshme për xhiron e pestë të Ligës së Kombeve në grupin C.

“Dardanët” synojnë fitore edhe pse do jetë vështirë, meqenëse kanë mungesa të shumta. Optimist për këtë super përballje ishte edhe trajneri i përkohshëm Muharrem Sahiti, që dje në konferencë për media tha se do provojnë të arkëtojnë pikët e plota.

“E njohim mirë kundërshtarin, kemi punuar shumë për këtë ndeshje dhe nesër do të provojmë të fitojmë, është ndeshje e rëndësishme dhe duam ta shohim reagimin e kundërshtarëve”. Gjithashtu edhe trajneri slloven Kek, konfirmoi që qëllimi është vetëm fitorja, derisa dje lavdëroi Kombëtaren e Kosovës. ““Qëllimi ynë është vetëm fitorja. Kosova është skuadër e formuar me yje që luajnë në skuadrat e mëdha të Evropës”. Ndërkohë, përballja mes Sllovenisë dhe Kosovës nis në ora 20:45.

Materialet dhe informacionet në "MUZIKTURKE" nuk mund të kopjohen ose të përdoren pa iu referuar burimit të portalit apo miratimin nga redaksia.

MUZIKTURKE, © 2020 Të gjitha të drejtat e rezervuara.