Kthehet në tragjedi, nusja vdes në ditën e dasmës

Fun
00:05 | 20 Korrik 2020

Duhet të ishte dita e saj më e bukur, por u kthye në një tragjedi. Alexandra Erokhova sapo kishte kurorëzuar me martesë historinë e saj të dashurisë në Moskë, dhe gjithçka dukej perfekte për të.

Nusja 25-vjeçare u afrua të provonte disa ëmbëlsira në banketin e shtruar në restorantin e luksit Parco Caricyno, kur nisi të ndihej keq. Pavarësisht ndihmës se shpejtë, Alexandra nuk arriti të shpëtonte: vajza vdiq në ditën e saj të dasmës nga shoku anafilaktik.

Organizatorët e festës ishin në dijeni të alergjisë së tmerrshme të saj ndaj arrave, dhe e kishin përzgjedhur menunë me shumë kujdes. Por me ëmbëlsirat ishte bërë një gabim që rezultoi fatal: në disa prej tyre kishte pasur copëza arrash. Me të provuar këto ëmbëlsira, 25 vjeçare nisi të mbytej dhe humbi ndjenjat.

Në fillim të afërmit dhe të ftuarit në festë nxituan t`i jepnin ndihmën e parë, e më pas edhe ekipet para mjekësore që mbërritën me shpejtësi në vendngjarje u përpoqën për rreth një orë ta sillnin në vete, por pa sukses. Një hetim ka nisur menjëherë për zbardhjen e plotë të rrethanave të ngjarjes së rëndë.

Materialet dhe informacionet në "MUZIKTURKE" nuk mund të kopjohen ose të përdoren pa iu referuar burimit të portalit apo miratimin nga redaksia.

MUZIKTURKE, © 2020 Të gjitha të drejtat e rezervuara.