Joshua dhe Fury heqin dorë nga titujt e tyre vetëm e vetëm që meçi mes tyre të zhvillohet

Lajme
09:12 | 17 Dhjetor 2020

Promotori Eddie Hearn thotë se Anthony Joshua dhe Tyson Fury po mendojnë të heqin dorë nga të gjithë katër titujt e botës në kategorinë e rëndë për t’u siguruar se meçi i mundshëm mes tyre do të ndodhë.

Meçi i kategorisë së rëndë mes dy kampionëve nga Britania e Madhe do të ishte i pari në historinë e boksit në të cilin do të luftohej për të gjithë katër titujt e botës në kategorinë e rëndë, transmeton Gazeta Express. Fury, 32 vjeç, është kampion në WBC, ndërsa Joshua, 31 vjeç, i mban titujt në IBF, WBA dhe WBO. “E kemi një meç në duart tona, dhe më vjen keq prej organeve qeverisëse, por ky meç është më i rëndësishëm se të gjithë këta tituj”, tha Hearn.

“Ne duhet të jemi paksa të kujdesshëm sepse mund të themi shumë lehtë ‘T’i heqim qafe politikat tani. Të heqim dorë nga të gjithë titujt sepse nëse e humbim një do t’i humbim të gjithë’”, theksoi ai. Hearn shtoi: “Kjo është lufta më e madhe në botën e boksit”. Joshua e bëri edhe më të mundur meçin me Fury duke e nokautuar Kubrat Pulevin të shtunën. Por WBO pret që Joshua të përballet me Oleksandr Usyk në meçin e radhës, duke i rritur gjasat që Joshua të heqë dorë nga ky titull apo Usyk të paguhet për t’u mënjanuar.

Materialet dhe informacionet në "MUZIKTURKE" nuk mund të kopjohen ose të përdoren pa iu referuar burimit të portalit apo miratimin nga redaksia.

MUZIKTURKE, © 2020 Të gjitha të drejtat e rezervuara.