Gold AG dhe bashkëshortja e tij, Ermira Shkodra nisin pushimet në vendin luksoz “Drymades Inn”

Magazine
11:51 | 02 Korrik 2020

Reperi nga Presheva, Gold AG, vetëm pak ditë më parë kurorëzoi dashurinë e tij me martesë.

Ai i dha fund beqarisë duke u martuar me bukuroshen nga Gjilani njëherësh doktoreshën e estetikës, Ermira Shkodrën.

Përkundër se nuk kanë mbajtur akoma një ceremoni të dasmës, çifti realizuan një fotosesion unik si ‘burrë e grua’.

Sidoqoftë, të njëjtit pas martesës duket se kanë nisur pushimet në “Drymades Inn” – vendin e preferuar të yjeve shqiptare si për pushime e po ashtu edhe për xhirime të ndonjë videoklipi.

Në “Drymades Inn” klipet xhiruan javë më parë: Rina Balaj e Sin Boy si dhe këngëtari Butrint Imeri klipin e këngës së re “Si përpara”.

Çifti i lartpërmendur ndërkohë përmes rrjeteve sociale kanë njoftuar për fillimin e pushimeve e po ashtu kanë sjell edhe pamje të vendit luksoz.

Krahas kësaj, Gold AG ka nisur punën për projekte muzikore dhe nesër pritet të publikojë këngën e re të titulluar “Diaspora”.

Materialet dhe informacionet në "MUZIKTURKE" nuk mund të kopjohen ose të përdoren pa iu referuar burimit të portalit apo miratimin nga redaksia.

MUZIKTURKE, © 2020 Të gjitha të drejtat e rezervuara.