​141 pacientë me COVID-19 po trajtohen në Spitalin e Pejës, 23 në gjendje më të rëndë

Nostalgji
09:10 | 15 Dhjetor 2020

141 pacientë të infektuar me COVID-19 janë duke u trajtuar në Spitalin e Pejës.

Nga spitali bëjnë ditur se 98 pacientë janë në oksigjenoterapi dhe 23 të tjerë janë në gjendje më të rëndë shëndetësore. Po ashtu raportohet edhe se 4 pacientë janë në respirator. Ndërkohë që për 24 orë raportohet se në Spitalin e Pejës 9 persona kanë arritur që të shërohen nga COVID-19.

“9 Pacientë janë shëruar gjatë 24 orëve të fundit nga Covid-19 në Spitalin e Përgjithshëm në Pejë. 141 pacientë janë duke u trajtuar aktualisht me Covid-19. Sa i përket gjendjes së pacientëve: 4 Pacientë janë në Respirator (CPAP), 98 pacientë janë në Oksigjeno terapi ndërsa nga këta 23 pacientë janë në gjendje më të rëndë”, thuhet në njoftimin e spitalit. Përndryshe gjatë 24 orëve të fundit në Spitalin e Përgjithshëm në Pejë, 160 pacientë kanë marrë trajtim emergjent shëndetësorë, dhe nga këta 19 pacientë janë shtrirë për trajtim të mëtutjeshëm.

Materialet dhe informacionet në "MUZIKTURKE" nuk mund të kopjohen ose të përdoren pa iu referuar burimit të portalit apo miratimin nga redaksia.

MUZIKTURKE, © 2020 Të gjitha të drejtat e rezervuara.