​12 mijë e 220 raste aktive me Covid-19 në Kosovë

Lajme
09:31 | 21 Nëntor 2020

Gjendja pandemike e shkaktuar nga Covid-19 është rënduar dukshëm në Kosovë.

Ditëve të fundit numri i rasteve ditore me koronavirus ka shkuar pothuajse në 1 mijë. Po ashtu edhe numri i të vdekurve është rritur. Vetëm gjatë ditës së djeshme 11 persona humben jetën nga ky virus. Ndërsa numri i përgjithshëm i vdekjeve ka shkuar në 885 raste.

Numri i të infektuarve ka shkuar në 32 mijë e 877, 19 mijë e 772 prej tyre janë shëruar, kurse raste aktive janë 12 mijë e 220. “Numri total i rasteve pozitive është 32.877 raste nga 127.722 persona të dyshimtë në virusin SARS-CoV-2 dhe 885 raste të vdekjes. Gjatë 24 orëve të fundit, janë shëruar 748 pacientë derisa numri i përgjithshëm i të shëruarve deri më sot është gjithsej 19.772 raste, kurse numri i rasteve aktive është 12.220”, thuhet në raportin e fundit të IKSHPK-së.

Materialet dhe informacionet në "MUZIKTURKE" nuk mund të kopjohen ose të përdoren pa iu referuar burimit të portalit apo miratimin nga redaksia.

MUZIKTURKE, © 2020 Të gjitha të drejtat e rezervuara.